好癫！张建声伤手照举重唔怕整亲旧患

艺人张建声（Justin）最近勤于操练，为求以完美体态上镜，就算手部受伤，仍然坚持要到健身中心做gym！见到Justin先喺限时动态上载睇跌打嘅相话要「找数」，不过佢仲识讲笑话手术好成功，心情咁唔错，伤势唔系太严重。点知下一段片就见到Justin喺健身中心，仲要举重，唔少网民叫佢唔好咁搏，若果唔休息，迟啲变成旧患就唔好喇！

同未婚夫闹分歧！贝安琪婚期又押后

名模贝安琪（Ankie）与加拿大籍未婚夫Simon Van Damme于2016年8月订婚，儿子Sebastian已1岁多，终于有时间筹备婚礼，但婚期一拖再拖，本定于9月底在香港举行婚礼，却突然再延期，现落实11月中举行，但日子逼近，两人竟又对场地出现分歧，Simon理想的沙滩婚礼依然未有着落，而Ankie已有后着，免到时空欢喜。

婚礼只着一套衫

日前Ankie到设计师好友Susanna Soo的店铺试婚纱，对当中两套爱不释手，其中一套更可两着：「婚礼当日只用一套，唔想好似搞大骚咁不停换衫，所以一件两着好啱我，除咗件纱，可以当Party Dress，我同Susanna识咗好耐，一向好欣赏佢嘅设计，同埋佢知我心意。」Susanna透露根据Ankie的喜好，婚纱以简单及高贵为主。

会有中式摆酒

Ankie婚礼将分三回进行，9月初签字：「签字我哋会紧张啲，因为呢个真系结婚，唔系派对，要好严肃。」而原定9月底举行结婚酒会，但现有变卦，改至11月中，之后会应妈咪要求有中式摆酒。

「地点都未定实」

问到改期是否太多事宜要筹备？她说：「我好轻松，身边有朋友帮手，但地点到依家都未定实，我本身搵咗个地方，但老公唔系好欣赏，佢想再好啲，咁等佢搵。（时间好紧迫？）系！但佢想喺沙滩举行，话结婚得一次，想好浪漫，要最好嘅，但我有同佢讲过沙滩好热，个个都好辛苦，暂时我搵咗个地方有室内同室外花园。」她透露只是小型婚礼，约请80人，问到妈咪刘香萍有否畀意见？她说：「佢唯一意见系想我哋搞中式，佢好传统，但呢样要迟啲先，未定日子。」

跨过鬼门关！余德丞首开腔：心脏一度停顿

28岁无线艺人余德丞（Dickson）于8月8日晚上踢波期间昏迷入院，情况一度非常危殆，幸经过一番抢救与治疗，终于脱离危险期。今日，他透过Big Big Channel首度开腔向大家报平安。声线与平时无异的他中气十足，他除了庆幸自己能甦醒外，亦很感激各界对他的支持：「Hello！我系Dickson，咁多位大家好，我觉得我今次真系好好彩，可以大步槛过醒得番，再同你哋讲嘢，衷心多谢全香港每一位嘅关心、问候、祝福同集气，令我能够醒得番！所以，真系好衷心咁多谢你哋。」

他直言当他甦醒后，才知道自己曾从生死关口中走过，心脏曾一度停顿：「当我醒番之后，先知原来系咁严重。因为我昏迷嘅时候，个心都停咗一段几长嘅时间，能够起得番身，真系好好彩！呢几日慢慢康复，精神咗好多，讲嘢都清楚咗，咁当然医生都建议我要留院多一段时间，Check清楚身体系咪真系OK，先至可以出院。最后，我要多谢玛丽医院上上下下嘅医护人员佢哋嘅悉心照顾，同埋喺关键时候帮我做心肺复甦嘅足球队队友。屋企人每日嚟支持我、整嘢畀我食，仲有TVB上上下下好同事。咁多位传媒朋友，冇咗你哋边个都唔得，所以，我希望可以快啲出院，同大家见面，有咩新消息我再通知你哋，记住身体健康最紧要。」

富二代男友撑腰　薛凯琪推8位数自立门户

歌影双线发展的薛凯琪（Fiona）自从2012年加盟太阳娱乐后，7月底合约正式届满，有传公司主理人黄柏高（Paco）开出八位数续约价，但她依然不为所动。她在太阳娱乐六年，盛传是公司最赚钱的艺人，为免失去摇钱树，去年底Paco已跟她倾续约事宜，但她离巢意决。据知她现已回复自由身，她回覆东网时承认：「我系7月底约满咗。（系咪成立工作室？）仲未有定案，有消息话你知。」Paco则说：「我哋已尽咗力，但一切随缘，I'm always on her side。」

虽然传闻她将过档古天乐或麦浚龙的公司旗下，但事实上两者都没有接触过，由始至终她都有个人计划，因为对工作向来要求高的她，每个工作都坚持百分百参与度，过往不少MV都力争自己执导，甚至落手落脚学剪片，喜欢有话事权的她去年荣升老板，斥资7位数创立自家品牌，一圆时装梦，更做埋Model去推销，深得圈中好友支持。

其实近年水头充足的她盛传与马主之子、富二代Byron（邓浩基）挞着，曾被拍到两人在酒店甜蜜拍拖及看戏，去年再传出两人已经秘婚，在阳明山庄筑爱巢，Fiona去年更一掷3,600万在何文田买豪宅，坐拥半亿身家，加上有富二代男友作最强后盾，所以对千万的续约价无动于衷。

樊少皇再被匿名信追债老婆JJ：唔知乜嘢动机！

35岁嘅贾晓晨（JJ），前年元旦同拍拖三年、现年46岁嘅「力王」樊少皇结婚，去年11月更为老公诞下得意B女。樊少皇向来新闻多多，除了与JJ拍拖时被爆跟前任女友育有一子一女，前年又被财务公司踩上JJ寓所追债200万。事后樊少皇透过工作室澄清，指欠款是友人所借，朋友亦告知已经还清债款，JJ还力撑老公，指老公才是受害者。

不过，最近樊少皇再被追数，有爆料人指近日在信箱发现有一封信件，打开后吓见追债字条。爆料人话：「封信系用邮票寄嚟，唔系就咁放入信箱嘅，入面有樊少皇张相，同埋写住『欠债还$』，唔知点解会寄咗嚟我度，张纸写嘅系一个双连单位，但无写几多楼。」张先生又话之前有遇见过樊少皇，但呢排就好少见到佢。

对于老公再被指欠债，记者联络过JJ，佢透过经理人回应：「我哋知道有人周围send，有啲公司都收到，但系如果要追债，点解无留联络方法？以我哋所知系佢（樊少皇）之前帮一个品牌做代言，然后中间嘅公司收唔到个客钱，所以就去追佢，但如果真系要追债都会留联络方法，所以唔知佢乜嘢动机。」

至于，早前返港为电影开镜嘅JJ，因为挂住囡囡故中港两边走，日前仲心情靓靓，喺微博贴咗用修图工具帮囡囡设计发型嘅相，然后留言：「她爸一直说一直嫌饭兜发型太乱，非让我为饭兜p个发型，大家认为哪个好？」而上星期五逢七夕，JJ亦有贴佢同老公张合照，仲有B女及家中爱犬一齐，睇嚟佢心情未受老公被匿名信追债影响。