今年嘅台庆颁奖礼已经曲终人散，所有奖项都名花有主，不过成晚嘅焦点，都系摆咗喺汪阿姐为台前幕后发声，叫大台加人工、关心吓员工、同埋少啲山头文化。跟住壳王陈国强即刻做啲嘢稳定军心，好似话会同邵氏合作搞多啲大制作，又话会揾袁伟豪、蔡思贝同朱晨丽等等！

昨日有周刊报道话，无线之所以有呢个举动，系因为即将有新一轮嘅逃亡潮，今次流失嘅艺员将会系一线嘅小生，陈豪同郭晋安将会喺今年约满，陈豪嘅离巢o依家嘅经理人帮佢接少咗工作，再加上续约倾价钱唔理想，于是乎陈豪决定改一改工作模式，除咗好积极咁玩社交平台之外，喺今年3月接拍大陆剧，报道仲话陈豪会再度同合作17年嘅前经理人嘉莉合作。

同无线合作咗30年嘅郭晋安，原来都计划离开无线，皆因有感于公司一直未有积极安排佢北上赚人仔，而佢眼见王祖蓝喺大陆发展又唔错，于是乎决定转投祖蓝旗下嘅经理人公司，不过佢依然会帮无线拍剧。

昨日有传媒分别向安仔同祖蓝求证，安仔话：“我冇离开TVB，只系签咗部头合约，经理人嘅合约就以合作形式签了俾祖蓝，不过我从来都冇分大陆定香港，都一样系咁做，只系希望可以试多啲新嘢！”祖蓝就话：“我同安仔合作一向都好愉快，我觉得佢系个认真同好有热诚嘅演员，可以再合作当然好喇！希望大家合作愉快。”

顺手点击一下广告表示支持，谢谢！