无线近年的收视认真麻麻，大家看下台庆剧《来自喵喵星的妳》就知啦！为了救亡，无线邀请一班重量级外援同旧将回巢拍剧贺50周年，而且大部份剧集都是曾经受欢迎剧集的续集。各位又最期待边一位嘅演出呢？

张卫健

离开TVB足足20年的张卫健 ，确定2017年TVB50周年回娘家拍剧，徐正康监制，拍摄时长：5个多月

罗嘉良《与谍同谋》

当年无线的一线小生罗嘉良回巢拍剧，更加令人期待啦！一向做惯商战剧的他演技已经不用多讲，再加上「3届视帝」的名衔，看来一定叫好叫座。

自从拍完2009年的TVB台庆剧《富贵门》后已经有六年未在香港拍过剧集，他今次被监制黄伟声成功邀请佢返嚟拍呢套20集嘅新剧，今次佢饰演「商场大鳄」，角色亦正亦邪。而且佢今次会带着女主角李佳芯、郑俊弘同黄心颖一齐演出，有「捞家」加新一代女神喺度，收视想低都难。

鲍起静《同盟》

由本年度神剧《城寨英雄》嘅监制文伟鸿（Jazz）打造嘅《同盟》被认为系现代版嘅《城寨英雄》。故事主要围绕陈展鹏、胡定欣、陈山聪、姚子羚之间嘅竞争，不过最令人期待嘅当然就系鲍起静（鲍姐）啦！而最紧要嘅系佢虽然已经67岁，仍然要喺剧集中跑嚟跑去打到飞起，一定睇到观众十分肉紧。

苗侨伟《使徒行者II》

虽然《使徒行者II》的宣传重心都放咗喺周柏豪到，不过大家唔好不记得三哥苗侨伟的魅力。虽然近排有人话苗侨伟嘅有型熟男位置被《巨轮II》的吴岱融取代，不过一向拥有大班师奶粉丝的他，今次可不可以凭着《使徒行者II》重夺「熟男神」宝座呢？大家拭目以待喇！

宣萱《不懂撒娇的女人》、《使徒行者II》

今次无线落重本，以二千八百万拍摄嘅《不懂撒娇的女人》，分别由两位昔日嘅猛将林文龙同宣萱担正。宣萱话今次因为无线首度以4K技术拍摄，作为「开荒牛」嘅佢责任重大，所以积极做Facial，仲戒晚餐三星期，都系为咗套剧集。宣萱咁搏，大家冇理由唔畀面啦！

李司棋《溏心风暴3》

虽然《溏心风暴3》已经确定咗大部份角色都唔会继续出演，就好似林峯、陈法拉、钟嘉欣咁。不过各位「唔驶惊，荷妈喺大厅」！今次仍然有夏雨、李司棋、关菊英、米雪等老戏骨坐镇。相信大家仍然会记得当年被李司棋嘅眼神一瞪，个心都会离一离。咁耐无见，唔知司棋姐会收减啲火，定系会姜越老越辣呢？

蔡少芬《老表，毕业喇！》

蔡少芬自从凭住《甄嬛传》在内地爆红之后，她就一直主攻内地市场，好耐都无返去TVB拍戏。不过原来佢仍然同TVB有一部戏约，佢今次就终于拣咗同王祖蓝、郭晋安合作《老表，毕业喇！》。

今次接棒万绮雯做女主角，蔡少芬话虽然佢喺呢套剧集系新人，不过本身已经唔新，所以冇咩压力。咁胸有成竹，相信一班观众一定好期待佢嘅演出！

马浚伟《宫心计2 －深宫计》

话说《宫心计》监制梅小青回巢TVB，当然要开番套续集《深宫计》。今次故事会以唐朝为背景，马浚伟饰演皇帝，刘心悠出演平民公主，胡定欣就做皇后。作为其中一套50周年重头剧嘅男主角，就知道马浚伟在大台心目中有几重要。

看来明年有的看啦！