新人陳浚霆（中）新劇做鬼，盼能與蘇韻姿（左）靠演技上位。右為周嘉洛。

處境劇除強調家庭外，愛情線當然不可少，今次就有搞笑組合湯盈盈與單立文做舊情人兼歡喜冤家，劇中盈盈在年輕時曾經是大胃王，但不希望有人提起，偏偏年輕時與她拍過拖的單立文突然出現，更加入其公司，盈盈為免往事被重提，決心要整走對方，但單立文對盈盈原來未忘情，二人就爆出搞笑式的愛情故事。

湯盈盈直言期待與單立文做對手戲，雖然目前二人的戲份未開始拍攝，但她已擔心招架不住對方臨時爆肚。談到曾表示想生第三胎的她接演新處境劇就要擱置計劃，她說：「依家屋企都好熱鬧啦，暫時停吓先啦，依家開工都好掛住兩個囡囡。」

陳浚霆「鬼同你做戲」

去年的處境劇捧紅了「十仔」馬貫東，監製羅鎮岳決定再起用新人，包括顧紀筠的兒子陳浚霆及落選港姐蘇韻姿，羅鎮岳說：「今次特別啲，會有少少靈異題材，陳浚霆其實係羅樂林嘅私生子，不過佢車禍死咗，係單立文唔覺意攝咗佢返屋企。」陳浚霆表示首次拍戲份較多的劇集，直言做鬼的角色有難度：「好大挑戰性，因為我做鬼，好多時要對空氣做戲，而且咁多前輩喺度就有壓力，唔敢怠慢，唔想累佢哋冇得收工呀！不過，丹爺（劉丹）、豹哥（單立文）佢哋好好，成日教我。」

另一起用的新人蘇韻姿飾劉丹的細女，是患有社交障礙症的資優生，與家姐呂慧儀不時鬥氣，相當搞笑！羅鎮岳大讚對方聰明，雖然拍劇經驗少，但一點就明。